Smelltu á myndina til að sjá hagstætt auglýsingaverð! Sjá Nánar HÉR »
Smelltu á myndina til að panta! Sjá Nánar HÉR »
Jólatorgið opnað á Selfossi
Á laugardaginn komu jólasveinarnir á Jólatorgið á Selfossi með fjallarútu Guðmundar Tyrfingssonar ofan úr Ingólfsfjalli þar sem þeir eiga að að sjálfsögðu heima. Það tók mikill fjöldi gesta á móti þeim á öllum aldri eins og venja er. Jólasveinarnir gáfu sér góðan tíma með þeim sem komu til að hitta þá og sungu og trölluðu á sviði, það var kveikt á jólatrénu, gestir fengu frítt kakó og handverksmarkaðurinn var opinn. Áður en þeir komu söng Karlakór Selfoss nokkur jólalög og Uni og Jón Tryggvi tóku einnig lagið á eftir jólasveinunum. Á sunnudegi kíktu tveir sveinkar við á jólatorginu, hittu krakkana og sungu og sprelluðu með þeim. Meðfylgjandi myndir eru af Jólatorginu og þegar jólasveinarnir komu til byggða.
Hveragerðisbær gerir samning við foreldra.
Samningur milli Hveragerðisbæjar og Foreldrafélags Grunnskólans var undirritaður nýverið. Í samningnum er kveðið á um framlag Hveragerðisbæjar til félagsins sem árlega nemur 350 þúsund krónum. Ennfremur er gerð grein fyrir því framlagi sem á móti styrknum kemur frá Foreldrafélaginu sem meðal annars sér um fræðslu og fyrirlestra, um barna- og unglingaskemmtun á öskudegi, jólaföndur á aðventunni og um foreldrarölt í ákveðinn tíma á ári.
Það er von bæjaryfirvalda að með þessum samningi verði starf félagsins öflugt og skólasamfélaginu öllu til hagsbóta.
Á myndinni má sjá bæjarstjóra ásamt Berglindi Kristinsdóttur, formanni félagsins undirrita samninginn. Með þeim eru þau Thelma Kristinsdóttir og Úlfur Óskarssson, stjórnarmenn.
Kertaljósatónleikar
Kertaljósatónleikar verða laugardaginn 29. desember 2012 kl. 21:00 í Hrunakirkju.
Komið og eigið notalega samveru í fallegu kirkjunni okkar með þægilegri tónlist í góðum félagsskap. Flutt verða jólalög í bland við fleiri falleg sem henta kertaljósa stemningu.
Aðgangur er ókeypis en við hvetjum ykkur til að koma með nokkrar auka krónur sem renna í “Sjóðinn Góða”.
Sjóðurinn er til handa þeim fjölskyldum sem þurfa aðstoð yfir hátíðirnar. Að sjóðnum standa Rauði krossinn, Kvenfélögin, Lions, sóknir þjóðkirkjunnar og fleiri aðilar sem sinna líknarmálum og félagslegri aðstoð í Árnessýslu.
Hljómsveitina skipa:
Ester Ágústa Guðmundsdóttir – Söngur
Árni Þór Hilmarsson – Gítar
Björn Hr. Björnsson – Gitar
Smári Þorsteinsson – Trommur
Jón Aron Lundberg – Hljómborð
Kveikt á Jólatrénu
Kveikt var á jólaljósum við leikskólann Krakkaborg 28. nóvember s.l. Við það tækifæri voru sungin jólalög, föndrað, drukkið heitt kakó og borðaðar smákökur.
Fjöldi breytinga á desemberdagatali
Frá því að desemberdagatal Ölfuss barst í hús hafa menningarfulltrúa borist ýmsar góðar ábendingar. Hátíðaguðþjónustur í Strandarkirkju g Hjallakirkju voru færðar inn á rangan dag, á dagatalið vantaði bæði hátíðarguðsþjónustu í Kostrandarkirkju og tilkynningu frá Lionsmönnum um sérlega þjónustu sem þeir sinna fyrir hönd jólasveinanna. Menningarfulltrúi hefur lagfært dagatalið, bætt inn nokkrum viðburðum og tekið aðra út (líkt og jólahlaðborð Svarta sauðsins sem fellur niður).
íbúar og aðrir áhugasamir eru vinsamlega beðnir um að bera saman prentaða útgáfu við vefútgáfu sem finna má hér á vefnum, til að vera vissir um að rétt er farið með dagsetningu viðburða.
Einnig er hægt að skoða viðburðadagatal vefsins og er íbúum bent á að koma upplýsingar um allt sem í boði er (ekki bara núna í desembermánuði) til menningarfulltrúa (barbara@olfus.is) eða Hafdísar Sigurðardóttur (hafdis@olfus.is) sem glaðar setja viðburðina inn í dagatalið.
Með aðventukveðju,
